Feeds:
المقالات
تعليقات

Archive for 10 نوفمبر, 2008


قبل مدة قرأت أن نفسية الشخص أغلب وقت يومه تتأثر كثيرا على حسب كيف كان صباحه أي أن كان

ايجابياً ولا سلبياً هالمقولة ذكرتني أن دائما نسمع بحياتنا إن الشخص لسمع خبر شين بالصباح يردد

بداخله الله يستر من هاليوم وطبيعي انه يتشاءم بيومه.. وهناك أشخاص أول ما يصحون معصبين

وغالباً تستمر هالحالة معاهم ويتأثر باقي وقت يومه بحالته..وهناك العكس أشخاص مثلي

مزاجهم دايم رايق بالصباح 😳 هالحالات إلي تختلف من الشخص للشخص على حسب ظني لعدة أسباب

منها مزاجه قبل إن ينام وعدد الساعات النوم إن كانت كافيه له إما لا والأهم كيف كان صباحه يكفي

لو نهتم أول نص الساعة من وقته حين يصحى من نومه..لذلك دائما أتحاشى بأني أقوم بتوصية شقيقتي

التي تصغرني بسنتين وأن فعلتها اقوم وأنا معصبه كعادتها تصكر التكيف وغير صوتها المزعج العالي

بس نادراً ما وصى احد يكفي صوت المنبة جوالي ع آيات ولا صوت فيروز إما إن كنت وصية

على احد اهتم كثيرا بذلك ابتداء من اخوي محمد هالسنة أول سنة له نظاميا بالمدرسة ويصعب عليه

انه يصحى كل يوم بالوقت محدد وان وكلتني امي إني أتولى هالمهمة أقوم بتغسيل يدي بمويه شوي باردة

والمس جسده يدينه رقبته إلا احس إن يشعر فيها بالمويه إما خواتي اشغل جهازي ع آيات ولا صوت

فيروز وشوي شوي ارفع صوت الين مايصحون .حتى وان كان الوقت متأخر عندي أتحمل تأخيري

ولا أكون معصبه اغلب الوقت .. بالفتره الأخيره اتبعت خطة افداتني كثيراً إن كانت عندي

محاضرة الساعة 8 اصحي قبلها بالساعة ونصف حتى وان نمت متأخره أحاول إني اصحى

بهالموعد كالعقاب لنفسي والأهم إني أكيف نفسي واللي حولي. نصحت غيري بتجربة هالخطة

ونجحت معاهم لانه من صعب إن الواحد يترك لذة الراحة اللي كان فيها ويصحى لتعب علطول

وهالشي بيكون  له تأثير سلبي على بداية يومه هالطريقة أسويها فقط بالفترة الصباح إما غيرها

من الأوقات لا أتفنن بكيفية إني اصحيهم 😛

Read Full Post »