homework

ياكثر الواجبات إلي مررت لمدونتي بس كنت أتجاهلها فقط بسبب الكسل بحلها

والبعض كنت أحلها من خلال ردي ع المدونة إلي مررت لي الواجب

لكن هالواجب جاء بوقته استعداداُ  للاختبارات  والأهم إن هالأيام صرت أتذكر أيام الزمان

 واحن لها..او بالأصح صرت ابحث عن إي شي  يخليني احن للأيام الماضية واذكرها

وأعيشها مره الثانية بس أكيد بخيالي مو بالواقع

 

هالواجب ذكريات مع التعليم مررتها لي الحبيبة مضيعة بيتهم

 

- أفضل مرحلة تعليمية درستها ؟

الروضة صدق للحين اذكر بعض البنات والعيال اللي كانوا معي بصف

جد المتوسطة والثانوية حتى الجامعة لكل مرحلة لها متعتها

بس يمكن المتوسطة أكثر اللعب ووناسة وشلة بنات والمديرة كانت فله

عكس الثانوية كنت جدية فيها والمدرسة إلي انتقلت فيها نظااام نظاام والطالبات اللي فيها ياي

 

 

- أسوأ مرحلة تعليمية مرت عليك ؟

الابتدائييية اكرررررها وكله من  الوكيلة كانت أول مره وأخر مره أنضرب فيها

مااحب اذكر هالمرحلة كلش

 

3- أفضل المدرسين اللي مروا عليك ؟

أكيد ابله فاطمة الحزامي روعه هالادمية اهي سبب الأول والأخيرة اللي خلتني اعشق

مادتها علم النفس ومس حنان يحليلها و إبله منيرة الحربي وإبله نوره

الله يذكرهم بالخير وبالجامعة الدكتورة صباح الياس و الدكتور حسن القرني

 

                                                           - أحب المواد اللي درستها ؟

علم النفس وعلم الاجتماع والمكتبة والادب و الرياضيات ياحبي للهم

اما بالجامعة العقيدة وفلسفة مبادئ الاقتصاد أصول الفقه

 

- أكره المواد اللي مرت عليك ؟

الفيزياء وتجاربها اللي فيها أكررها  وأختها الكيمياء وصاحبة الدم الثقيل الأحياء

 

آخر شهادة علمية حصلت عليها , وتخصصك ؟

دعوواتكم يارب بديت بالمشروع التخرج

 

- أطرف موقف مر عليك في دراستك

                              بالمتوسط كنت ادرس بمدرسة حكومية وتعرفون عاد بنات الحكومية ياحبي للهم

كنا شلة وعددنا 9 وكنا طقاقات بكل ما تعنيها هالكلمة من معنى إي حفل يصير

عندنا بالمدرسة أبدا مالهم إلا حنا أصلن علطول نروح للأبله اللي ماسكه الحفل

ونأخذ منها الأناشيد ونحفظها وكنت أشارك أحيانا مع صديقاتي بس أرد وراهم كورال

 مستحيل امسك المايك من كثر الحياء اللي فيني

                               ومره كان عندنا حفل يوم المعلم و اختروني البنات ووافقت قلت يالله اجرب

                       وكان المفروض أنا أقول وهم بعدي يردون هم ما حفظوا معتمدين علي وبلاهم ما يدرون

                                 ان صديقتهم عندها معناه مع النسيان اطلعنا ع المسرح أنا واقفة

                      هم ورأي 8 ماسكه المايك ولا كلمة جات في بالي إلا صديقتي نوف ذكرني بالمقطع الأول

                     واقوله ورجعت سكت واشر لهم مافي صوت خربان ويعني اقول وهم ما يسمعون إلا قالوا

                     خلاص قولوا كذا يهمهم بس الموجه اللي مرتزه قدام تسمع عاد أنا توهقت كنت حسبهم

                    ينزلونا  إلا شوي البنات اللي ورأي وحده ورى الثانية تنزل من الخلف ما قعد إلا أنا كنت أقول لهم

              شفتوا هذولا نذلات بس إنا أحسن منهم وابعتذر لكم عاد بعدها ضحك الكل علي وتعهدت بعدها

                                                     مااشارك بالحفلات أبدا  

                        

                     اختبار الثانوية النهائي يوم الجغرافيا حليت الأسئلة ورسمت الخريطة وانتهيت وقعت أطالع بالورقة

 البنت اللي جنبي وهي ترسم الخريطة وأقول بنفسي راييقه هالبنت الألوان وتحديد وشي شي رسمتها

 وشوي الا البنت تطالع بورقتها و تأخذ القلم وتشطب ع الرسمة وتروح ترسم خريطة الثانية8O

 أنا لاشعوريا رفعت صوتي و قلت لها ليششش ياخبله صح البرازيل كانوا يجون المراقبات يوقفون

 فوق راسي ايش قاعدة تقولين جابوا ورقة التوقيع وخلوني اوقع واطلع عاد البنات اللي رسموا

خريطة غير خريطة البرازيل اول ما طلعوا من القاعة خمووني

أصعب موقف مر عليك في دراستك ؟

 مره خرجت من الجامعة الساعة 3 أول ما ركبت السيارة قلت لسواقنا يالله ع البيت عاد

مكيفه السيارة  ومضلله و مو من عادتي اني انام بالسيارة بس غفيت  وقتها وكنت بمووت من التعب

من ضغط المحاضرات بهاليوم وقف سواقنا عند محطة قريبة مره من بيتنا  يبغى اشتري  لأختي قبل

ما يأذن العصر وهو جاي ينزل قلت له لااا خلي المكيف انزل بسرعة…شوي إلا واحد ركب السيارة

 لابس الثوب ومتلثم بالشماغ إنا ما استوعبت شوي إلا والسيارة تتحرك وأصيح ذيك الصيحه

 ويين حرام عليك والمصيبة وقت عصر والشارع شبه فاضي  واحاول افتح الباب الا اهو يلتفت  

يفتح لثمتها عبيير اهجدي انا عمك توفيق وقتها من الفجعة قمت ونطيت قدام عنده ولا شعورياً

 قعت اضربه المصيبة ان عمي كلش مو معروف عنه هالحركتات شخصيه وكذا

بس وقته شاف سوافنا بالبقاله وسأله من معك قال له عبير عصب عليه كان يبي يعلمني

 ويعطيني درس من دروسه إني معاد أخلي سواقنا يوقف وأنا معه ويخلي مفتاح السيارة

                                  والله وقتها حلفت من البيت للجامعة ومن الجامعة للبيت

وايييه لم نقلت من المدرسة وتركت صديقاتي  كانت أمي تحن علي إني انقل من المدرسة لأني

 كنت للعابة  ومااهتم بالمذاكره  أهم شي انجح و بأولى الثانوية بداية الترم الثاني غصبتني ونقلتني

وطوال الأسبوع الأول  كنت اروح للمدرسة الأهلية ودمعتي ع خدي وخاصة أول الأسبوع كنت اجلس

بالفسحة الوحدي مشكلتي طبعي ما اتأقلم مع الي حولي بسرعة:| وخاصة كانوا الطالبات ياي أحب البنات

اللي رجه وللعب بس عدت هالسنتين ع الخير

 

مضيعة نشطت ذاكرتي بحل هالواجب

                                                                 أشوفكم بعد الاختبارات