معاناتي مع النسياااااان

قبل مدة كنت أفكر بزيارة للدكتور مختص بعلم النفس أو الإمراض النفسية  لكن هالأسبوع تأكدت بأني لازم اروووح  لعلى وعسى يشوف حل للمشكلتي  هالاسبوع للمرة الثالثة ع توالي أضيع جوالي بـ 8شهور فقط اختلفت مسميات الشهور برمضان والحج والربيع وحتى نوع الأجهزة أختلفت نوكيا  سامسونج n80  لكن سبب واحد (النسيـــان :|)

المرهـ الأولي كنت بسوق ودخلت للمحل للوحدي و والدتي تنتظرني عند الباب و كان المحل زحمة فتحت شنطتي عند الحساب اطلع محفظتي طلعت الجوال معه أعطيته الفلوس وتركت الجوال ع الماصة الحساب رجعت لامي شوي ونمشي إلا وووي جوالي ووينه رجعت وسألت البائع عنه طبعاً اختفى وشكيت فيه بس صعبه اتهمه والمحل زززحمه

إما المرة الثانية كنت ع وشك الخروج من الجامعة وقاعدة البس عبايتي و بيدي الجوال حطيته ع الكرسي وانشغلت بعابيتي خليته ومشيت شوي وتذكرته ورجعت ومااااااش اتصل عليها  من جوال صديقتي مقفل 

هالأسبوع يوم السبت كنت راجعه من الجامعة و أخواتي معي وفالتها سواليف بالسيارة معاهم قبل ما أنزل قلت لسواقنا قسم بالله لو ما وديت السيارة تغسلها من هالغبار شوف وش بسوي فيك ونزلنا نسييت الجوال بجييب السيارة بالخلف وما تذكرته إلا ألساعة 10 بالليل  واتصلت ع سواقنا ويدووره ما لقاه  وبعده يقولي أنا وديت السيارة للمغسلة  وأصيح عند أخواتي ليته ما سمع كلامي  

هالمرة الثالثة جد انقهرررت كان جهازي سامسونج كشخه و المسجاااات والصور والارقاام تعبت من كثر ماانسخ ..بس قلت لامي معاد ابشتري جوال خييرا وش فيها الواحد لو عاش بدون جوال مالي حظي مع الجولات بس من رجعت للجامعة اليوم الثاني قلت لامي بعد المغرب بروح طلع شريحة حسيت بقيمته

معاناتي مع النسيان ليست فقط بإضاعة الجوال بس لااااا بالكاد أتذكر أسماء الدكاترة اللي قاموا بتدريسي بالسنة الأولى والثانية بالجامعة مرة شافتني وحده ونادتني قربت مني وتسلم كيف حالك ياليان ليه معاد تزوريني بالمكتب وأنا اقوول ياربي هذي ميين ووين تعرفني ومن كلامها عرفت أنها دكتورة وسبق أنها دارستني طبعاَ سويت نفسي إني اعرفها وهـ حتى أنتي تعرفين مشاغل يادكتورة بالمحاضرات وما يمدي نأكل حتى.الخ بعد ما راحت تذكرتها أنها دارستني بالمستوى الأول بس ما شاء الله ما نستني وهي تدرس عدد كبيرة من الطالبات بس أنا نسيييييتها

ومرة رحت للسوق برجع بلوزه لأختي وأنا في بيتها بمكة أخذ الكيس منها قالت لي ع اسم المحل وبالطريق وإحنا نسولف بالجوال سألتها ع  أسم المحل وما مرت الساعة ع وصولي للسوق إلا رجعت دقيت عليها وبكل براءة أقول لها ما قلتي وش اسم المحل  

معاناتي مع النسيان أتعبتني وسببت لي خسائر نفسية واجتماعية حتى مادية أختي الكبيرة دائما ماتقول اللي يكرهني فيك انك تنسين كثيراً  تستحقين للقب مضيعة إما أنا  صرت اخجل  اللي يتصلون ع جوالي  وما اعرفهم كوني ما يحتاج أقول إني ما أحفظ إلا رقم جوال أمي وأبوي واخوي  بس  اخجل أقول لهم إني ضيعته خييرا ولا كأني عمري 20 سنة وتوي بنوتة ماعندي مشاغل عشان اضيع