حـكـي وبـس

 

لكل شخص منا شخصيته المستقلة ولديه عدة مميزات تميزه عن غيره و إضافة لذلك عدة عيوب نجده يحاول تلافيها وربما العكس وطبيعي لكل شخصية إن يكون لديها مميزات وعيوب لأنه شي فطري والكمال لله سبحانه وتعالى ومن العقل والمنطق والشجاع إن نكون أول المعترفين ببعض الصفات التي نرى أنها عيب بنا أو بشخصيتنا والتي دائما” نعرف أنها بنا ولكن لا نعترف بها أبدا” ونود أن نتخلص منها  حتى تكون عامل مساعدة لنا في تلافي تلك العيوب..وأيضاً للوصول إلى الحد منه أو التخلص من ذاك العيب هناك عيوب بشخصيتي اعلم بها وهناك عيوب لاارها وغيري يراها وغيري لايراها بأنها عيب فيني هناك عيوب انزعج فيها تسبب لي المشاكل وخاصة لو هالعيب يتضايق يللي حولي مني هناك عيوب اشترك فيها مع غيري أحاول أتخلص منها لكن ماتزعجني..لكن أكثر العيوب مزعجتني بشخصيتي وأيقن أنها مزعجه يللي حولي.(الضحك بصوت عالي..وعندي لكم خبرا)  

إنا من الأشخاص يللي أقل الأشياء ضحكني وما اعرف شي اسمه المكان موب مناسب وعلي إني اكتم ضحكتي موقف مانساه كنت بالمستشفى لزيارة جدتي مع ابوي وبقسم الكلى شفت موقف وابوي ابتسم لكن إنا فطست من ضحك وبداخلي ماودي اضحك والأشخاص يللي حولي مرضى بس ماش ماسكت استمريت بضحك..أكثر الأشخاص يللي ينزعجون من هالعادة بشخصيتي أمي وخاصة لو كنا بحفلة زواج و معنا بطاولة صديقاتها  ماعرف اسيطر على نفسي واتصنع اني بنوتة رقيقه ونعومه..بسوق لو كنا بطولة ووقت الصلاة وضحكت أحس كل يللي حولي يطالعون فيني.اما إني اجد الابتسامة على وجوهم ولا اشكالهم تصير كيذا ايام المدرسة وخاصة الثانوية اغلب الأسباب يللي ينطرد فيها من الكلاس ولا أتوقف بسبب ضحكتي وبنفس الوقت عمي حاط نغمة هاتفي بجواله صوت ضحكتي واحيانا اذكر اني عمري بالعشرين مايصير اضحك كيذا قدام الناس لازم اتصنع اني بنوتة كلي رقه ونعومة واحيانا انسى أختي الكبيره حاولت ساعدني باني احاوال ماأضحك قدام امي وأشخاص اول مره نشوفهم وبأماكن العامة لكن حاولت لأجل امي فشلت سبق وان قرأت كتاب عدم تحكم بانفعالاتنا ربما الضحك من ضمنها مااستفدت من الكتاب شي كالعادة كتب علم النفس العربية حشو فاضي

أعلم بأن طبعي والمقربين مني وخاصة صديقاتي إني مااعرف اكتم سرا يعني لو تبي تعرف مني سالفة تعرفها بكل سهولة

وهالعادة أعاني منها مع أهلي و صديقاتي قبل أسبوعيين تقريبا كنت بالقاعة وتأخرت الدكتورة عن موعد المحاضرة وصديقتي يللي بجانبي قاعدة تمسح دموعها اصريت أنها تقولي وش فيها الين ماعرفت طول اليوم وإنا أفكر بمشكلتها وأول مارجعت للبيت احكي لأختي عن سالفتها واتصلت عليها بالمغرب باني لقيت لها حل لمشكلتها صديقتي استغربت مني وقالت لي( إنا ماقلت لك عشان ساعديني واطلب منك فلوس كنت بس قاعدة أفضفض لك

 وموقف ماأنساه اخوي العود كان عندنا ودخل عليّ بغرفتي الساعة 11 بالليل وقال لي (ليان يوم الأربعاء في عزيمة عند عمي بعد مرورا ربع الساعة رجع دخل عليّ وبيده الجوال وقاعد يضحك قلت له وش فيك كان يقولي ما أمداك وقسم تنشرين الخبر ويفتح السبيكر صوت عمي بعد يضحك عليّ..اخوي يقولي انه كان نائم وعمي اتصل عليه يقوله عنده عزيمة الخميس وهو هاليومين مسافر عنده شغل مو فاضي يتصل ع الباقيين ويقولهم ..عرف عمي إن اخوي كان نائم كان يقوله روح شوف ليان أنت بس قلها الخميس عندي عزيمة وارجع نام اخوي استغرب منه..طبعاً إنا على نياتي أول ماقال لي اخوي قلت للبنات عمي معاي بالماسن وأرسلت مسج على حرمه عمي بمكة وكلمة بنات عمتي يللي بالرياض طبعا كنت احسب أنهم عندهم خبرا بالعزيمة لكن قلت لهم وأخيرا راح نجتمع عند عمي الأربعاء لا تتأخرون..وبعد ربع الساعة اتصلت عمتي على عمي تتأكد من هالخبر وعمي علطول اتصل على اخوي وهو يضحك ويقوله شفت ماقلت لك يوم العزيمة انتشر الخبر بأني إنا يللي قلت لهم كان يحرجني عمي أكثر

قدامهم انا اذا غبت عنكم اخباركم ماتغيب عني اتصل على ليان وافتح السبيكر واقعد اشتغل ومن دون ما أسئلها وش إخبار فلان ليان توصلني الموجز إخباركم كله داخلني وطلعني من سالفة

حتى أبوي ماسلم مني أبوي طبعه انه مايحب إذا تمشينا لمكان ما وناوين نقعد للمدة أسبوع و أكثر احد يرحوا معنا .نأخذ راحتنا..ويكفي أزعاجنا..أبوي يعرفني إني مااعرف اسكت..فقال لامي ولأختي يللي تصغرني بسنتين بعد الاختبارات  بنتمشى بمزرعة راح استأجرها وقعد يوصف المزرعة لامي وأختي حمسهم لها وقتها حسيت انه في شي بالبيت خواتي كانوا يذاكرون بحماس وسألت أختي كانت تقولي بس لاتقولين لأحد قلت لها وش قالوا عنك.. بالليل كنت بالماسن مع صديقاتي وبنات عمي لاشعوريا قلت لهم (باااااااركولي بنروح للمزرعة بعد الساعتين رجع أبوي للبيت وقال لامي ولأختي بطلنا بنروح للشاليهات عازمكم عمكم..عاد بنت عمي قالت لامها ليان تقول بيرحون للمزرعة وأبوها سمعها اتصل على أبوي وقال لاتستأجر خلينا نجمع ونقضيها سوا خواتي حاولوا مع أبوي وخاصة يوم قال لهم في خيول بالمزرعة بس قال لهم إنا قلت لكم لاتقولون لأحد قبلها بيومها نقولهم اخوي الكبير مارده ..

اليوم على العشا مع أبوي وأمي وخواتي أختي مازحتني ياربي أبفهم لو تزوجتي إسرار بيتك كلها عند الناس اشلون بتعشين معه اكتفيت بابتسامه وأبوي وأمي ضاحكوا عليّ ورجعت للغرفتي وفتحت الجهاز وكتبت لمدونتي

وانتم من منكم يعاني من عيب بشخصيته وتزعجه